Proiektuko gainerako zereginetarako behar diren oinarrizko baliabideak konpilatu eta garatu nahi dira ikerketa-lerro honetan. Horien artean, hauek adibidez:

• Internet bidez corpusa lortzeko tresnak, elebakarrak zein eleaniztunak, orokorrak edo domeinukoak, konparagarriak edo paraleloak.
• Internet bidez lortutako era guztietako corpusa.
• Pibotatze bidezko hiztegigintza automatikoko tresnak.
• Corpus elebakar zein eleaniztunetatik, paralelo zein konparagarrietatik, terminologia erauzteko tresnak, hobetuak eta hizkuntza berriak dituztenak.
• Hiztegi elebakar edo eleaniztunak, orokorrak edo terminologikoak.
• Hiztegietan ezagutza semantikoa txertatzeko tresnak.
• Ontologiak eraikitzeko tresnak, orokorrak nahiz domeinukoak, eskuz edo automatikoki lan egiten dutenak.
• Ontologia orokorrak eta domeinuzkoak.
• Mendekotasun sintaktikoen aztertzaileak.
• Esaldi eta sintagmen mugak zehazteko sistemak.
• Analizatzaile semantikoak.
• Hizketa jarraitua ezagutzeko motorra.
• Hizketa-ezagutzaileak euskararako eta ingeleserako.
• Testua ahots bihurtzeko sistemen ebaluazio objektiboko teknikak.
• Ahotsak eraldatzeko sistemak.
• Ahots-segmentuak detektatzeko sistemak.
• Elkarrizketen txanda-aldaketak detektatzeko sistemak.
• Esatariak sailkatzeko teknikak.

• Elkarrizketa-sistemak

Oraindik ez dauden baina hizkuntzaren teknologiak garatzeko funtsezkotzat jotzen diren baliabideak eta tresnak ere garatuko dira, proiektuko gainerako eginkizunetarako behar-beharrezkoak ez izan arren.