IXA taldea Euskal Herriko Unibertsitateko ikerkuntza-taldea da, hizkuntzaren tratamendu automatikoan lan egiten duena. Momentu honetan taldeko kideak 43 gara: 32 informatikari, 8 hizkuntzalari, 2 ikerkuntzarako teknikari eta administrari bat. Gehienak Donostiako Informatika Fakultatean aritzen gara, baina beste zentro batzuetan ere bai (Bilboko Industria Ingeniaritza Teknikoko Eskola, Donostiako Irakasle Eskola...).

Argitaratu ditugun artikulu guztiak ikus ditzakezu gure webgunean, alor hauen arabera sailkatuta:

• Morfologia.
• Sintaxia-Morfosintaxia.
• Lexikografia-Semantika.
• Hizkuntzen ikasketa.
• Hizkuntza Tresnen Integrazioa (SGML, XML).
• Oinarrizko baliabideak.
• Itzulpen automatikoa.
• Informazioaren berreskurapena eta erauzketa.
• Hizkuntzaren tratamendua (oro har).

Sortu ditugun produktu ezagunenak hauek dira: Xuxen zuzentzaile ortografikoa, OpenTrad itzultzaile automatikoa, Euskal WordNet sarea eta ZT eta EPEC corpusak. Gure webgunean ikus daitezke eskaintzen ditugun produktu guztiak. Esku artean ditugun proiektu nagusiak hauek dira: KYOTO Europako STREP proiektua; Eusko Jaurlaritzaren A motako ikertalde finkatua; M.E.C.eko IMLT, OPENMT eta KNOW2 proiektuak eta TIMM eta RTTH ikerketa-sareak. Ikus hemen proiektu guztien lista 1988tik.

Berbatek proiektuaren barruan, IXA taldearen ekarpenak lau ataletan kokatzen dira: (1) Oinarrizko baliabideen sorkuntza: Ezagutza semantikoa hiztegietan sartzea, analizatzaile morfosintaktikoak...; (2) Itzulpen Automatikoa: aurreedizioa, postedizioa, sistema hibrido eta konbinatuak, ebaluazio-irizpideak...; (3) Edukiak: Informazio-bilaketa, hizkuntzen arteko informazio-bilaketa eta galderak erantzuteko sistemak; eta (4) Hizkuntzak irakasteko laguntzak.

Informazio gehiago:

• IXA taldea: http://ixa.si.ehu.es
• IXA taldearen berriak: http://www.unibertsitatea.net/blogak/ixa